ПРЕТСЕДАТЕЛОТ на Србија, Александар Вучиќ, на заедничката конференција со германскиот канцелар Олаф Шолц изјави дека Србија нема да реагира под притисоците од страна на ЕУ и дека денеска првпат слушнавме дека се бара меѓусебно признавање.
На прашањето за признавањето на Косово, Шолц рече дека германската позиција по тоа прашање е јасна, и дека сега е важно да се постигне напредок.
„Се надевам дека ќе добиеме извештај за тој напредок, чекор по чекор, двете страни мора да дадат свој придонес и дека никој нема да ги блокира средбите – рече кусо тој.“
На истото прашање, претседателот Вучиќ рече дека Србија нема да реагира на притисоците и дека денеска слушнавме дека се бара меѓусебно признавање.
„Слушнавме дека се бара дел од преговарачката платформа, а тоа е сеопфатна нормализација на Белград и Приштина. Никој не го побара тоа, освен Американците. Слушнавме дека денес работите се менуваат на штета на Србија, исто како што предвидував дека ќе се случи. Ако мислите дека треба да ни се заканувате затоа што ја одржуваме наредбата на ОН, немаме ништо против. Ти ја работиш својата работа, ние ја работиме нашата работа. За мене е важно канцеларот Шолц да знае што се случува. Србија никогаш не се откажала од дијалогот, ниту одбила средби“ – изјави претседателот на Србија.
Вучиќ истакна дека Србија можела да го потпише документот за исчезнати лица пред една година, но не поради каприците на некои други.
„Не се лутете што нашиот одговор за Косово е различен од вашиот. Колку што вие го сакате територијалниот интегритет на Украина, ние го сакаме територијалниот интегритет на Србија. И тоа е така.“
Да потсетиме, Шолц пред да пристигне во Белград ја посети Приштина. По Србија, германскиот канцелар ќе отпатува за Грција, на покана на неговиот грчки колега Киријакос Мицотакис. Во Солун, Шолц ќе присуствува на вечера со претставници на регионалната иницијатива на Процесот за соработка во Југоисточна Европа (ПСЈИЕ), а во сабота ќе ја посети нашата земја и Бугарија.
