ИСТАНБУЛ – Бројот на новозаразени со вирусот корона во Турција се искачи на над 10.000 денес за прв пат од средината на мај и достигна 11.094, додека 60 лица починаа, соопшти Министерството за здравство.
„Ако сакате утре да биде подобро од денес, држете се до мерката. Вакцинирајте се “, напиша министерот за здравство Фахретин Коца на Твитер, објавувајќи ги податоците, објави Ројтерс.
Бројот на новоинфицирани со „ковид-19“ се намали на 4.418 лица на 4 јули за време на строгите ограничувачки мерки, кои беа укинати во средината на мај, пренесува Танјуг.
Последните ограничувања што беа на сила беа укинати во јули.
