РИМ – Италијанската полиција доцна вчера изврши претрес во домовите на 17 екстремни членови на движењето против вакцинација, поврзани со преписката во која повикуваат на насилство врз јавни личности, поддржувачи на мерките против корона вирусот.
Полицијата во Торино соопшти дека десетици илјади луѓе биле дел од кореспонденцијата на апликацијата Телеграм, наречена „Доста е со диктатурата“, која служела како главен форум за организирање демонстрации против воведувањето на ковид пропусниците.
Како и многу други европски земји, во Италија, пропусниците за Ковид се неопходни за влез во ресторани, музеи и возила за јавен превоз, пренесува Бета.
Протестите се организираа речиси секој викенд, а станаа помасовни откако Италија стана првата западна земја во октомври што доаѓањето на работа го условува со пропусница за ковид.
Полицијата соопшти дека со недели ја следела контроверзната кореспонденција на Телеграма и дека идентификувала 17 екстремисти кои им се заканувале на лекарите, новинарите и политичарите, вклучувајќи го и премиерот Марио Драги.
При претрес на нивните домови низ Италија полицијата пронашла оружје и запаливи материи.
