ЛОНДОН – Родителите треба да обрнат големо внимание на малку различни симптоми доколку се сомневаат дека нивното дете е заразено со сојот омикрон, изјави денеска британскиот лекар Дејвид Лојд, особено привлекувајќи внимание на, како што рече, чудниот осип на телото.
Тој за „Скај њуз“ изјави дека кај младите пациенти со омикрон се јавуваат симптоми како малаксаност, силни главоболки и губење на апетит, а родителите треба да внимаваат на тие симптоми, пренесува Танјуг.
Лојд додаде дека луѓето со омикрон имаат и „чуден осип“, така што до 15 проценти од децата заразени со новиот вид корона добиваат осип на кожата.
Иако е премногу рано да се каже, најновите податоци за омикрон сугерираат дека тој е екстремно заразен, додава Лојд и се надева дека „не е смртоносен како делта“.
