Данска ќе стави крај на ограничувањата за вируси следната недела и ќе го рекласифицира „Ковид-19“ како болест што повеќе не претставува закана за општеството. Владата на Данска се реши на ваков чекор и покрај фактот на зголемен број на инфекциите кои достигнаа рекордно високо ниво.
Нордиската земја, една од највакцинираните во светот, нема да ги продолжи мерките за пандемијата по 31 јануари, изјави во средата премиерката Мете Фредериксен.
Одлуката на Данска за прекласификација на вирусот драматично ја турка напред идејата што се појави неодамна во Европа – дека е време да почнеме да размислуваме за Ковид како ендемичен тип, а не како пандемија. Сепак, експертите на Светската здравствена организација предупредија на одреден ризик заради таквата одлука.
Олеснувањето на ограничувањата, исто така, ги повторува неодамнешните потези на други места – вклучително Ирска и Велика Британија – за намалување на ограничувањата поради знаците дека омикрон е помалку опасен од претходните варијанти на вирусот.
Исто така, постои чувство дека ограничувањата едноставно не се способни да го запрат високопреносливиот вид на омикрон. Околу еден милион Данци се заразени само во последните два месеци, иако хоспитализирањата во земјата се намалуваат. Нацијата од 5,8 милиони луѓе има 44 пациенти со Ковид-19 во единиците за интензивна нега, што е помалку од 73 пред две недели.
„Пандемијата е сè уште тука, но со она што го знаеме, сега се осмелуваме да веруваме дека сме зад критичната фаза“, рече Фредериксен, нарекувајќи го развојот „пресвртница“.
Болеста се шири побрзо во Данска, откако подваријантата на омикрон, БА.2, стана доминантна најпроширена верзија на вирусот во втората недела од годината. Можеби е околу 1,5 пати позаразна од подваријантата BA.1, која сочинува 98% од случаите на омикрон на глобално ниво, според прелиминарните проценки на данските здравствени власти.
Данска со најновите мерки е пред своите нордиски соседи.
Шведските власти ги продолжуваат своите ограничувања поради порастот на инфекциите, но очекуваат дека ќе можат да ги олабават мерките за две недели.
Норвешка може да почне постепено да ги повлекува мерките бидејќи само „екстремната“ акција би го забавила ширењето на варијантата омикрон, соопшти во средата нејзиниот Институт за јавно здравје.
Тековните ограничувања на Данска вклучуваат ограничено работно време за ресторани и барови, употреба на пасоши за Ковид-19 и барање за маски за лице во продавници и нивна примена за настани во затворен простор.
