Осумнаесетгодишниот Kevin David Liman вреди 3,3 милијарди долари откако ги наследи акциите во германскиот ланец на дрогерии „DM-drogerie markt“ од неговиот татко Гунтер Лиман. Ова го покажа 35-тата годишна листа на милијардери на Forbes, која беше објавена на 6 април.
„Dm-drogerie markt“, изворот на богатството на Лиман, е водечки ланец на дрогерии во Германија. Основана е во 1974 година, а според веб-страницата на компанијата, вработува повеќе од 41 000 луѓе во повеќе од 2000 продавници низ Германија. Според Forbes, ниту Кевин ниту неговиот татко не се вклучени активно во компанијата и малку се знае за нив.
Второто место меѓу најмладите милијардери во светот во 2021 година го зазема 24-годишниот Ванг Зелонг од Кина, кој „тежи“ 1,5 милијарди долари.
На третото и четвртото место се норвешките сестри Александра и Катарина Андресен, кои имаат 24, односно 25 години, и секоја од нив „вреди“ 1,4 милијарди долари. И двете поседуваат дел од семејниот бизнис на Ferd, инвестициска компанија вредна повеќе милијарди долари.
Списокот на „Forbes“ се заснова на информации за најбогатите луѓе во светот, користејќи ги цените на акциите и девизниот курс од 5 март и ги зема предвид само оние луѓе чија нето вредност е поголема од милијарда долари. Според списокот, сега има 2.755 милијардери во светот – повеќе од кога било досега. Дури и по пандемијата во 2020 година, светските милијардери се побогати отколку што биле некогаш. Вкупното богатство на светските милијардери се зголемило од 8 трилиони долари на 13,1 трилиони долари.
Во меѓувреме, извештајот на Институтот за политички студии откри дека светските милијардери додале 4 трилиони долари на своето богатство – значително помалку од проценките на Forbes – од 18 март 2020 година до 18 март 2021 година.
