Зоран Заев денеска повтори дека неговата земја ги исполнила критериумите за започнување преговори и дека ЕУ треба да се огласи кога ќе одлучи да ги започне.
„Реков, тоа е работа на ЕУ. Кога тие ќе решат да го продолжат овој процес, нека не контактираат. Во меѓувреме, ние продолжуваме со европеизацијата овде“, рече Заев пред новинарите.
Тој одговори на прашањето што мисли за изјавата на претседателот на Бугарија, Румен Радев, дека во Северна Македонија има системско кршење на човековите права на граѓаните од бугарско потекло и дека Скопје мисли само дека ги исполнува критериумите за започнување преговори со ЕУ.
Заев додаде дека нема да дозволи да ги „реплицира“ изјавите на Радев преку медиумите, но посочи дека „целиот свет зборува во суперлативи за начинот да се реализира едно и еднакво општество за сите“ во Северна Македонија.
