БЕРЛИН – Ситуацијата во Германија е подраматична од кога било за време на пандемијата, изјави денеска министерот за здравство Јенс Шпан, предупредувајќи дека само остриот пад на социјалните контакти може да го прекине четвртиот бран.
„Ситуацијата е многу драматична, драматична како и во кое било друго време во оваа пандемија“, рече Шпан на прес-конференција.
Колку посилно ја притиснеме сопирачката, толку подобро, истакна тој, пренесе Ројтерс.
Шпан рече дека Германија сега треба да преземе одлучни мерки или во спротивно ќе се соочи со драстични мерки во наредните недели, кои би можеле да вклучат целосно намалување на контактите меѓу луѓето.
„Сè што не одлучуваме сега, сè што не го намалуваме доволно во однос на контактите, ќе бара подрастични мерки за две или четири недели“, нагласи Шпан на прес-конференцијата во Берлин, јави Танјуг.
Тоа е нашиот апел, да се спроведе големо ограничување на контактите, додаде тој.
Шпан ги повика германските региони да го поддржат ова предупредување, или во спротивно може да дојде до целосно намалување на контактите, како што рече, без користење на зборот заклучување.
