МОСКВА. – Русија вчера објави најголем број на смртни случаи од коронавирус за еден ден од почетокот на пандемијата, додека продолжува да се бори против голем број нови инфекции.
Според официјалните податоци, во претходните 24 часа починале 780 лица.
Бројот на починати во еден ден во Русија минатиот вторник за прв пат надмина 700 и оттогаш е над таа граница.
Во претходните 24 часа беа регистрирани 24.702 нови инфекции.
Бројот на новоинфицирани за еден ден минатата недела скокна на повеќе од 25 000, што е скоро три пати повеќе отколку на почетокот на јуни, кога властите пријавија околу 9 000 нови инфекции, пренесува Бета-АП.
Властите го обвинуваат ширењето на вирусот делта коронавирус за скокот на бројот на инфекции и тие се обидуваат да ги убедат граѓаните да се вакцинираат.
Стапката на вакцинација е исклучително ниска во Русија. До денес, 28,6 од 146 милиони Руси, или 19,5 проценти од населението, примиле барем една доза.
