Падот на профитабилноста, што е значително поголем од очекуваниот, е последица на глобалното блокирање што траеше скоро цела минатата година, како и на намалената побарувачка предизвикана од пандемијата на коронарниот вирус, пренесува Ројтерс.

Нето добивката на „Inditex“ во четвртиот квартал од минатата година потона за 53%, на 435 милиони евра, од приходите од продажба од 6,3 милијарди евра, бидејќи повторно беа воведени мерки за затворање во повеќето делови на Европа околу Божиќ, се вели во соопштението на компанијата.

Околу 15 проценти од продавниците на Inditex ширум светот останаа затворени до 8 март поради ограничувања на короната, додаваат од компанијата.

Шпанскиот трговски ланец на таканаречена брза мода, кој има 6.829 продавници ширум светот, забележа вкупно опаѓање на продажбата во 2020 година од 28% во споредба со претходната година, на 20,4 милијарди евра, со негативните ефекти од пандемијата делумно компензирани неверојатен скок на продажбата на Интернет од 77 проценти, пренесува британската агенција.

Компанијата планира да затвори вкупно 1.200 продавници до крајот на годината и да се сврти кон инвестирање на добро познати локации од каде што ќе може да служи на Интернет, како и клиенти во продавниците. Досега се затворени 751 продавница.

Видео…