1. Времетраење на полицискиот час
Како што дознаваме, неофицијално, во понеделник на состанокот на Главниот координативен кризен штаб, ќе биде предложено олабавување на моменталните епидемиолошки мерки, кои стапија на сила на 6 април. Имено, ќе се дискутира за можноста да се намали времетраењето на полицискиот час, па наместо во 20, да започнува од 22 часот и да трае до 5 часот наутро.

2. Теретаните остануваат затворени.

3. Угостителски објекти и нивното работење
Една од точките за разгледување ќе биде и состојбата со угостителските објекти – ќе се препорача нивно отворање, но под посебни услови. Тоа би значело протоколи и работа само на отворените тераси. Гости нема да смее да се примаат во внатрешниот и затворен дел на кафичите, кафеаните и рестораните, туку само во надворешниот простор.

Во вторник угостителите најавија и протест пред Министерството за финансии, а дали евентуално олабавување на мерките од ГККШ и Владата ќе ја предомислат туристичко-угостителската комора, останува да видиме. Последниве денови, како што изјави Министерството за здравство има тренд на благ пад на новозаболени и приеми во болниците ширум земјава. Дали е ова доволно за олабавување на мерките, останува да почекаме и официјално да бидеме известени.