МОСКВА – Директорот на Рускиот научно-истражувачки центар за микробиологија и епидемиологија „Гамалеја“, Александар Гинзбург, објави дека една година по приемот на вакцината Спутник V, сè уште има голем број антитела.
Тој изјави дека направил тест за антитела кој покажал дека постои заштита од Ковид-19 и дека засега не е потребно повторно да се вакцинираат.
Гинзбург рече дека бројот на антитела е 3.200 и дека ова е многу висок индикатор, пренесува „Спутник“.
“Јас сум целосно заштитен, можам да бидам донатор ако има потреба од некого. Засега нема потреба од повторна вакцинација, ова е над сите можни граници”, рече Гинзбург.
Руската вакцина против вирусот корона ја прими на 30 март минатата година.
Вакцината Спутник V, произведена од Институтот за научно истражување Гамалеја, на 11 август доби потврда за регистрација од руското Министерство за здравство, со што стана првата регистрирана вакцина против вирусот корона во светот.
Вакцината се базира на проучена и тестирана платформа на аденовирусни вектори кај луѓето, чии важни предности се безбедноста, ефикасноста и отсуството на долгорочни несакани ефекти.
