БЕРН – Швајцарскиот научник Саи Реди предупреди на опасноста од нов „супер вид“ на коронавирус, што може да предизвика голема загриженост за светот во следните шест месеци.
Во интервју за швајцарскиот весник „Блик“, тој рече дека мутацијата на соеви на делта е неизбежна.
„Тоа е нова фаза на пандемијата кога бета или гама стануваат поинфективни или се развива мутација од соеви на делта. Тоа ќе биде голем проблем следната година “, рече Реди, пренесува Танјуг.
Според него, „ковид 22“ може да биде полош од сè што светот видел досега во борбата против коронавирусот.
Реди смета дека науката и политиката веќе мора да се подготват за такво сценарио.
„Ако се појави таков вид, ние мора да го препознаеме што е можно поскоро, а производителите на вакцини мора да ги прилагодат на тоа“, рече Реди.
Тој верува дека претстојат шест тешки месеци и дека следната есен и зима ќе бидат исти како и минатата година.
