ПАРИЗ – Десетици француски полицајци употребија солзавец во вторникот за да ги растераат демонстрантите против планот на претседателот Емануел Макрон да побара потврда за вакцинација против ковид-19 или негативен тест за ПЦР од следниот месец за да влезат во барови, ресторани и кина.
Макрон најави обемни мерки оваа недела за сузбивање на брзиот раст на нови случаи на коронавирус, вклучувајќи задолжителна вакцинација на здравствените работници и нови здравствени правила за граѓаните, пренесува Ројтерс, пренесува Танјуг.
Полицијата интервенираше откако десетици демонстранти се собраа на булеварот во центарот на Париз без дозвола на париските власти.
Некои критичари на планот на Макрон, кој предвидува посетителите во трговските центри, кафулињата и рестораните да се легитимираат од август, велат дека претседателот ги крши слободите и ги дискриминира оние кои не сакаат да бидат вакцинирани.
Макрон наведува дека вакцината е најдобриот начин да се врати Франција на патот кон нормалноста и дека охрабрува што повеќе луѓе да се вакцинираат.
