РИМ – Италијанската влада го одобри новиот пакет анти-ковид мерки со кои се потврдува она што медиумите веќе го објавија, што значи дека во април целата земја ќе остане во режим на умерени и сериозни епидемиолошки ограничувања, пишува агенцијата Анса.
Ова значи забрана за движење и посета, освен во деновите на претстојниот Велигден кога на две лица од едно им е дозволено да посетат друго домаќинство.
Барови, ресторани, освен за достава до дома, спортски сали, театри, музеи, спортски сали, фризери, полициски час од 22 часот до 5 часот утрото следниот ден, а забраните за патувања меѓу регионите остануваат затворени.
Единствената голема вест во споредба со претходните периоди, кога мерките како сега беа многу слични на тоталното затворање, е почетокот на директната настава во основните училишта.
Во средината на април, владата ќе ја преиспита епидемиолошката состојба и, доколку околностите дозволат, ќе ги олеснат некои од ограничувачките мерки.
Во коалициската влада составена и од десниот и од левиот центар, договорот за нови анти-ковидни мерки не е постигнат лесно.
Лидерот на партијата „Лига“, Матео Салвини, повтори дека неговата партија ги поддржува мерките, но само доколку тие предвидат скоро отворање на производствените активности.
