Што забележавме на веб сајтот на Уни Банка АД Скопје?

Веб сајтот на една банкарска институција треба да биде дизајнирана на начин на кој пред сѐ ќе внесе сигурност кај корисникот, ќе биде естетски привлечна, едноставна и лесна за користење. Конкуренција.мк во наредните објави ќе ги анализира веб сајтовите на нашите банки. Па да видиме какви веб сајтови имаат македонските банки.

Резултатите подолу се прикажани според наши позитивни и негативни критики, а се водевме според следните критериуми:

Ниво на безбедност – Дали Веб сајтот е означен со катанец (secure), т.е. дали клиентите можат со сигурност да ги впишуваат нивните лични податоци, доколку е потребно при некакви операции, и да бидат сигурни дека истите се заштитени
Дизајн на веб страната – модерниот веб сајт се карактеризира со едноставност, естетика и минимализам, прикладни бои и складни елементи
Прегледност и едноставност за користење – Дали веб сајтот е кориснички подобен (user friendly)
Респонзивност – Дали веб сајтот може да се користи на сите уреди
Функционалност на копчиња – Дали копчињата на веб сајтот водат до одредена веб страница
On-line аплицирање – Дали веб сајтот има можност за аплицирање за кредитни продукти, отворање на сметка и депозити
Уникатност – Дали веб сајтот има нешто по што се разликува од веб страните на другите банки

Анализа бр.4 – Веб сајтот на Уни Банка АД Скопје

Извор: uni banka

Позитивни:

Безбеден – Веб сајтот е означен со катанец
Респонзивен – се приспособува на секаков екран
Модерен дизајн, минималистички на кој преовладуваат елементи на артистични цртежи со една линија
Информациите за производите и услугите се прегледно групирани, прикажани во хоризонтално поставено мени, со јасно истакнати call-to-action копчиња на начин лесен за користење од страна на клиентите
User Friendly – едноставен и интуитивен за користење, нема голема комплексност
Сите копчиња се функционални – ниту едно копче не води до празна страница
Мултијазичен сајт – сајтот е достапен на македонски, англиски и албански јазик
Лесен пристап до превземање на мобилната апликација
Нуди можност за:
- користење на мобилна апликација
- можност за on-line аплицирање за кредити

Негативни:

И покрај тоа што едноставноста и минимализмот е во мода, страната е оскудна, празна и би можела да биде збогатена со фотографии за актуелните понуди на банката заради подобра промоција и продажба на истите
Недостасува калкулатор за информативна пресметка за кредити и депозити
На страната недостасуваат детални објаснувања за продуктите и обрасци за истите
Доколку од главното мени одбереме правни лица и потоа се вратиме на физички лица, може да забележиме дека слајдерот се движи пребрзо, дури и со прерипнување на одредени слајдови
Новостите во делот Актуелно, на англиската верзија, не се преведени на англиски јазик

Анализата е направена на 03.02.2021