Политичкиот концепти на социјалдемократијата се темели на социјална еднаквост на граѓаните, а државата предводена од социјалдемократи својата регулаторна улога во економијата и во општеството мора да ја насочи кон работниците и нивните права.
Во услови на кризи и мерки на рестрикции кои ги ограничуваат слободите и приходите на работниците, СДСМ мора да се врати на патот на градење на цврсти однос со работничката класа во сите сектори.

Намалувањето на последиците од живот и работа на граѓаните во време на здравствена, енергетска и финансиска криза се врвни социјалдемократски приоритети.
Трудот мора да биде вреднуван и платен според тежината, зошто само така можат да се намалат разликите помеѓу работниците и да се врати социјалната еднаквост.
Со вложување во работничките права вложуваме во достоинствена старост и на пензионерите и трудовите инвалиди.
Социјалдемократите час поскоро треба да го врати законското решение за прогресивен данок како политика за долгорочно обезбедување на социјална правда и еднаквост помеѓу граѓаните.
Синдикалните движења и организации се изворни движења за социјална правда, заштита на работничките права и вредности и треба да се поддржат во сите напори да придонесат кон тоа.
Државата предводена од социјалдемократи мора да промовира култура и практика на заштита на правата на работниците преку сите форми за државен надзор и контрола.
Синдикалните организации се обединувачка сила на сите работници независно на кои дејности ги застапуваат и независно на која општествена, етничка, и верска заедница припаѓаат работниците.
Ова се моите заложби за враќање на СДСМ кон вистинските социјалдемократски корени.