За девет часа Противпожарната единица во Скопје добила 29 повици за пожари на територијата на главниот град. Во период кога државава се соочува со кризна состојба и огромна бројка на пожари и кога состојбата е алармантна, има и такви граѓани кои лажно пријавуваат пожари. Такви повици вчера на бројот 193 имало вкупно седум.
Вчера во период од 10:00 часот до 21:45 на бројот193 беа примени 29 пријави за пожари на Територија на Град Скопје. Од кој 22 пожари со интервенција и нивно гаснење и локализирање навремено,меѓу кои и фабриката Охис каде се употребија повеќе возила и пожарникари. Седум пријави беа лажни”, информираат од Противпожарната единица Скопје
Но, во една ваква загрижувачка и тешка ситуација во земјава каде сите ресурси се насочени кон справување со огнените стихии, се поставува прашањето зошто дел од граѓаните пријавуваат лажни пожари. Дали истите тие треба да одговараат за ширење паника и лаги со оглед на тоа дека го трошат времето кое и те како е потребно во моментов.
