Фјучерсите на златото за април достигнаа 1.759 долари за една унца на почетокот на тргувањето со Комекс, но повратија некои загуби во текот на денот.
Почнувајќи од 14:09 часот, цените на златото се зголемија за околу 0,4 проценти и тоа на 1.781,60 долари.
Исто така, цената на благородниот метал падна на околу 1760 долари, што е најниска од минатиот јули. Сепак, тој се врати назад во текот на сесијата и се движеше скоро за половина процент повисоко, по 1.783 долари за унца.
Почетокот на оваа година означи разочарувачки старт за благородниот метал, особено во споредба со 2020 година, кога уживаше во своите најдобри годишни приноси за последната деценија и порасна околу 25 проценти за целата пандемиска година.
Цените на златото паднаа околу шест проценти од почетокот на јануари, додека поризичните средства како што е биткоинот привлече сè повеќе инвеститори. Во исто време, посилниот долар и надежите за економско закрепнување придонесоа за незаинтересираност за традиционалното средство за безбедност.
Слабеењето на физичката побарувачка, како и разочарувачката продажба на накит се меѓу клучните пречки на пазарот на злато, соопшти Банката на Америка, цитиранo од „Бизнис инсајдер“. Сепак, банката не ја промени прогнозата за оваа година и очекува цените на златото во просек да изнесуваат 2.063 американски долари.
