Европската канцеларија за интелектуална сопственост (EUIPO) започна кампања за подигнување на свеста за фалсификувани производи што се продаваат преку Интернет. Нивните истражувања покажуваат дека скоро секој десетти Европеец бил жртва на купување фалсификуван производ барем еднаш. Таквите стоки сочинуваат скоро седум проценти од вкупниот увоз на ЕУ во вредност од 121 милијарда евра.
Најмногу измамени биле во Источна Европа – 19 проценти од Бугарите, 16 проценти од Романците и 15 проценти од Унгарците рекле дека купиле некоја „копија“ на одреден производ.
– Овој проблем бара итна, силна и координирана акција и неодамна е повторно вклучен во еден од 10-те главни приоритети на ЕУ во борбата против организираниот криминал – рече извршниот директор на ЕУИПО, Кристијан Арсамбо. Со цел да се подигне свеста за вредноста на интелектуалната сопственост, започна програмата „Зајакнати идеи за бизнис“ со фонд од 20 милиони евра. Буџетот ќе ги субвенционира услугите за проценка на интелектуалната сопственост и трошоците за аплицирање, дизајнирање и регистрација на трговски марки.
Извештајот покажува дека најмногу измамени потрошувачи имало во источна Европа – 19 проценти од Бугарите, 16 проценти од Романците и 15 проценти од Унгарците рекле дека купиле „лажен“ производ. Според „Јутарњи лист“, ова го кажале и седум проценти од анкетираните Хрвати, три проценти од Данците и два проценти од Швеѓаните.
Податоците на Евростат покажуваат дека од 89 проценти од граѓаните на ЕУ кои користат Интернет, дури 72 проценти од нив барем еднаш минатата година купиле нешто преку Интернет, а третина велат дека не се сигурни дали производот што го добиле е оригинален. Овој долгогодишен проблем се зголеми уште повеќе за време на пандемијата, бидејќи ваквите продажни канали фаворизираат развој на нелегална трговија со фалсификати.
Покрај тоа што се удар врз економијата, фалсификуваните производи се ризични за клиентите. Секое четврто мало и средно претпријатие во Европа претрпе штета поради повреда на правата на интелектуална сопственост, преку губење на прометот, нарушување на угледот и конкурентноста.
Граѓаните на Македонија, како и оние во ЕУ, се изложени на ризик да бидат измамени, а продажбата на фалсификати преку Интернет е нов проблем со кој се соочуваме. Според податоците на Царинска управа, во 2019 и 2020 година, поради сомневање за повреда на правата на интелектуална сопственост, биле запленети различни производи, додека во тие две години повеќе од милион различни фалсификати и дури 4,5 тони уништена е текстилна ткаенина.
До мај годинава беа приведени повеќе од 100.000 различни, претежно текстилни производи врз иста основа, додека скоро 250.000 фалсификати беа уништени во овој период.
