Светската пандемија очигледно најпозитивно влијаеше на ИКТ компаниите. Работата од дома донесе големи приходи за секторот на информатички и комуникациски технологии, а се отворија нови 400 компании со 1200 нововработени.
IT индустријата во последната деценија бележи забрзан раст. Бројот на вработени во секторот се искачи на 16.000 и тие важат на најплатени работни места во земјава. Лани овие компании направиле извоз во вредност од 230 милиони евра, а платиле данок од 12,5 милиони евра.
Приходите од работењето се скоро една милијарда евра што е раст од 12 отсто за една година, а овие фасцинантни бројки се должат на големиот пораст на дигитализацијата во целиот свет особено поради тоа што многу индустрии и сектори беа приморани на онлајн, компјутерска работа поради Covid-19 кризата.
