Пентагон се согласи да го отстрани кинескиот производител на телефони „Xiaomi“ од „црната листа“ што ја стави владата на поранешниот претседател Доналд Трамп. Со тоа Пентагон ја отфрли жалбата против одлуката на американскиот федерален судија во тој случај, покажуваат судските документи.
Само шест дена пред крајот на мандатот на Трамп, американската администрација ја стави Xiaomi на „црната листа“, како и популарната видео платформа ТикТок и кинескиот нафтен гигант CNOOC, обвинувајќи ги за врски со кинеската армија.
Во својата жалба, Xiaomi ја осуди „неточната“ одлука, што го спречи да помине низ редовната постапка.
Федерален судија во Вашингтон на 15 март донесе одлука дека Министерството за одбрана и финансии на САД, кое ја стави кинеската компанија на таа црна листа, не докажува дека интересите на националната безбедност се клучни.
Во документот доставен до судот во вторникот, адвокатите на американската влада посочија дека нема да се спротивстават на одлуката на судијата и најавија дека ќе го повлечат ставот дека Кјаоми, како што тврди владата на Трамп, е „кинеска воена комунистичка компанија“ .
После тоа соопштение, вредноста на акциите на Xiaomi се зголеми за 11,3 проценти на 3,45 УСД на Њујоршката берза.
Xiaomi, кој го надмина американскиот „Apple“ и во 2020 година стана трет најголем светски производител на „паметни телефони“, беше една од деветте кинески компании на „црната листа“ со која владата на Трамп ги продлабочи дипломатските тензии со Кина.
