Во Грција денеска почнаа со работа сите кафулиња, ресторани, хотели, додека отварањето на плажите е планирано на 15 мај, со строги епидемиолошки мерки што ќе треба да ги следат и вработените и туристите.
Генералниот секретар за трговија и заштита на потрошувачите Панајотис Стамбулидис за телевизијата ЕРТ изјави дека мерките за здравствена заштита, како што се физичкото растојание и маските, ќе продолжат да се применуваат во одморалиштата.
Кафе-баровите нема да смеат да пуштаат музика, мерка што ќе важи за сите други ресторани и кафулиња. Како што објасни Стамбулидис, експертите процениле дека бучавата поттикнува подигање на гласот, што доведува до ширење на капките низ воздухот и намалување на растојанието помеѓу соговорниците.
Тие можат да работат само во надворешни градини, со социјално оддалечени маси. Ограничувањата исто така наведуваат дека секоја маса може да прими најмногу шест лица, а гостите мора да седат, а не да стојат.
Додека чекаат да седнат, клиентите мора да носат маски. Исто така, топло им се препорачува да носат маски додека не јадат или пијат, но тоа не е задолжително, посочува „Greekreporter“.
Персоналот мора да носи маски постојано додека работи и ќе мора да се тестира за коронавирус двапати неделно.
Засега не можете да одите во ресторан или кафуле без претходна најава, на број 13033 за праќање порака, што е систем што функционира во Грција веќе некое време и кога станува збор за одење до продавница или за некое друго движење. Од денес, полицискиот час е скратен на шест часа на ден, од 23 часот до 5 часот наутро, а се очекува да бидат олеснети уште некои мерки, до официјалното отворање на туристичката сезона на 14 мај.
Нема посебни правила на однесување за туристите, сè што важи за локалното население важи и за нив. Се очекува овие да бидат слични мерки како што се во регионот, т.е. ќе треба да се држи растојание, да се носат маски во затворено, да не можат да влегуваат во продавници на неодредено време, ќе земат предвид колку луѓе има внатре.
За да влезете во Грција, потребен ви е сертификат за вакцинација (сите вакцини се признаени) или потребен ви е негативен PCR тест (не постар од 72 часа), веројатно со негативен тест за антиген од 15 мај и се предлага потврда за прележан коронавирус. Исто така, секој што патува за Грција мора да го пополни образецот PLF 24 часа пред да пристигне во земјата, а случајното тестирање на туристите се врши на граничните премини.