Брансон ќе биде меѓу шесте патници во неговата ракета што треба да полета од наменскиот комерцијален космодром SpacePort America, во американската сојузна држава Ново Мексико.

Времето на полетувањето сè уште не е објавено, но компанијата соопшти дека преносот во живо ќе започне во 7 часот по локално време, што е во 15 часот по средноевропско време, пренесуваат американските медиуми.

Носачот на авион ќе полета од пистата и ќе го лансира вселенското летало на „Virgin Galactic“ наречено VS Unity на надморска височина од 15 километри, а двајца пилоти ќе ги стартуваат погонски ракетни мотори што би требало да го однесат леталото над 80 километри на надморска височина односно раздалечина што се смета за граница на вселената.

Патниците, Бреносн и претставниците на неговата компанија, ќе можат да се одврзат и да уживаат во бестежинска состојба неколку минути.

Авионот потоа ќе се врати на пистата од која замина.

Брансон сака лично да го оцени искуството за идните клиенти што се очекува да полетат од 2022 година.

Околу 600 луѓе веќе купиле билети во опсег од 200 000 до 250 000 УСД.

„Кога ќе се вратиме, ќе објавам нешто многу возбудливо за да им дадам на повеќе луѓе можност да станат астронаути“, вети тој.

Конкуренцијата на овој проект е милијардерот, Џеф Безос, преку неговата компанија која работи на сличен проект, наречен „Blue Origin“, кој планира да го лансира своето летало на 20 јули, на годишнината од првото слетување на Месечината во 1969 година. Ракетата „New Shepard“ го носи името на Алан Шепард, првиот Американец во вселената.

Иако се најавуваше со години, ерата на вселенскиот туризам ќе зависи од успехот на овие пробни летови.

Во 2014 година, Вирџин Галакси се сруши, убивајќи го пилотот, предизвикувајќи големо одложување на програмата.

Извор: Танјуг