БЕРЛИН – Германскиот регулатор на конкуренција (FCO) во понеделникот објави дека покренал истрага за да утврди дали американскиот технолошки гигант „Apple“ ја злоупотребува својата доминантна позиција на пазарот. Регулаторот сака да утврди дали „Apple“ е од особено значење за конкуренцијата, што се протега на повеќе пазари, се вели во соопштението.
„Клучниот фокус на истрагата ќе биде насочен кон бизнисот со App Store, бидејќи тоа му овозможува на „Apple“ да влијае на деловната активност на другите компании“, објаснува водачот на FCO, Андреас Мундт.
“Контролираме и анализираме дали „Apple“ има изградено дигитален екосистем со повеќе пазари околу iPhone и неговиот оперативен систем iOS. Земајќи предвид дека „Apple“ произведува таблети, компјутери и уреди за носење и нуди низа услуги поврзани со овие уреди”, објаснува Мундт.
ФЦО посочува дека веќе ги искористи неодамна проширените овластувања, насочени кон дигиталните компании, за да провери дали Гугл, Фејсбук и Амазон ги прекршиле правилата за конкуренција преку деловно работење со податоци.
Тие посочуваат дека меѓу поплаките се и оние од медиумите и рекламниот сектор, кои се жалат на ограничувањето на „Apple“ за следење на корисниците при воведувањето на оперативниот систем iOS 14.5.
„Apple“ исто така би можел да се најде под лупа затоа што се спротивставува на кршење на прописите за конкуренција со инсталирање сопствени апликации на уреди што ги произведува
А пак портпаролката на „Apple“ тврди дека App Store нуди еднакви можности на сите производители на апликации во Германија, без оглед на големината.
Од „Apple“ велат дека се подготвени за соработка.
„Со нетрпение очекуваме да разговараме за нашиот деловен модел со FCO и отворено да разговараме за сите прашања што тие сакаат да ги посочат“, рече портпаролката на „Apple“.
