„Како семејна компанија која произведува прехранбени производи преку дистрибуција на сите континенти, свесни сме за посебната одговорност што ја имаме кон луѓето и природата. Со примена на Повелбата за одржливост на Dr. Oetker, ние промовираме свесен начин на живот кај нашите клиенти, обезбедуваме фер и одржливи услови низ целиот синџир на снабдување, истовремено намалувајќи го нашето влијание врз животната средина.

На овој начин, Dr. Oetker останува верен на своите основни компетенции, произведувајќи висококвалитетна храна за одржливо време на уживање и нудејќи им на своите клиенти поширок избор на производи “, вели д-р Алберт Кристман, извршен директор на Dr. Oetker.

Овој проект ги охрабрува клиентите да живеат здрав и одржлив живот, но воедно и ќе се фокусира на производство на поздрава храна на компанијата со тоа што ќе се намали употребата на сол, шеќер и маснотии до 20%.

Според нивните планови, Dr Oetker може директно да влијае на намалување степенот на уништување на храната, и тоа до 25% до 2025 година. Компанијата, исто така, значително придонесува за намалување на создавањето на пластичен отпад, обидувајќи се да ги направи сите материјали за пакување што се користат со можност за рециклажа и тоа до 2025 година.

Повелбата исто така се грижи и за вработените во компанијата која останува општествено одговорен работодавач, обезбедувајќи еднаквост и промовирајќи разновидност. Со цел целосно да се спречат несреќи при работа, Dr. Oetker, исто така, ќе примени систем за управување што е во согласност со меѓународно признатиот ISO 45001.

Клиентите отсекогаш биле во фокусот на овој бизнис, па затоа според претпоставените на компанијата, секогаш треба да се слушне мислењето на клиентите и да се земат предвид нивните желби. Во текот на деловната 2019 година, Dr. Oetker и Conditorei Coppenrath & Wiese остварија приходи од продажба од 3,39 милијарди евра. Dr. Oetker и Coppenrath & Wiese вработуваат над 16.200 луѓе ширум светот – од кои околу 7.000 во Германија.