ПЕКИНГ – Кинескиот трговски гигант Алибаба е казнет со рекордни 2,8 милијарди долари за монопол бизнис. Кинеските власти ја засилуваат контролата над технолошките компании затоа што, според АП, кинеското политичко раководство е загрижено за доминацијата на најголемите онлајн компании кои се шират на финансискиот пазар, во областа на медицинските услуги и во другите витални економски гранки.
Компанијата е казнета за „злоупотреба на својата доминантна позиција на пазарот“ со цел да ги ограничи своите активности на конкурентите кои работат преку платформата Алибаба.
Државната служба за контрола на бизнисот објави дека Алибаба го попречува „слободниот проток на стоки“, поради што е изречена висока казна од 69,5 милијарди долари, што е еднакво на четири проценти од вкупниот приход остварен во 2019 година.
„Алибаба искрено ја прифаќа казната и во иднина ќе работи во согласност со законот“, се вели во соопштението на компанијата.
Основачот и сопственик на Алибаба, Џек Ма, еден од најбогатите Кинези, привремено исчезна од очите на јавноста откако ги критикуваше кинеските регулативи во своето обраќање во ноември минатата година.
