Залошња ги објави овие резултати по теренското истражување спроведено низ цела Албанија, како дел од пошироката балканска студија, која беше најавено дека ќе биде целосно објавена.

Според неговото истражување, само 1,2 отсто од возрасното население на Албанија не сака жител од Косово да живее во нивна средина, населба, улица, зграда каде што живеат, додека 1,5 отсто од испитаниците се против жител на Косово да им биде колега на работа.

Истовремено, 2,6 отсто од возрасното население на Абанија не сака да има пријател од Косово, додека 6,7 отсто од албанците во Албанија не сакаат учител на нивните деца/внуци кој ќе ги описменува да биде албанец од Косово.

7 % од албанското население од Албанија не сакаат да имаат предодреден шеф албанец кој доаѓа од Косово. Во исто време, 7,8 отсто од возрасното население на Албанија не сака државјанин на Косово да стапува во брак со член на нивното семејство, додека 12 отсто од полнолетните Албанци од Албанија не сакаат за јавен функционер да имаат жител од Косово, пишува Коха.

Премиерот на Албанија, Еди Рама на заедничката прес-конференција по завршувањето на заедничката средба со Албин Курти од Косово го оцени како провокативно прашањето од негова страна за обединување на т.н. Косово со Албанија. Сепак, тој истакна дека неговиот глас ќе биде „за“.

– Дали е тоа прашање или провокација? Ако хипотетички ме прашате за референдумот за обединување на Албанија со Косово, јас отворено би гласал за. Ако ме прашате дали тоа ќе се случи, кога и како, но дека ќе се случи еден ден, јас велам „да“ – рече Рама.

Како што рече, верува дека референдумот ќе има еден ден, но не знае кога и како.
Одговарајќи на ова прашање, Курти рече дека националното обединување не е нешто што се одлучува, туку се избира.

-Ми се чини дека имаше недоразбирање за прашањето за обединување на Албанците. Не е она што го избираме, туку намерата нè избира нас. Не можеме да одлучуваме за овие историски процеси и да одредуваме датуми и начини – рече Курти.