Светот се приближува до нуклеарна војна, бидејќи сите потенцијални противници на САД, вклучително и Русија и Кина, развиваат нови нуклеарни ракети, бомбардери и подморници, пишува „Дејли меил“, повикувајќи се на извештајот на американското Министерство за одбрана на нуклеарни операции.
Покрај тоа, Северна Кореја го забрза тестирањето на ракетите што се во можност да стигнат до континенталниот дел на САД, додека Иран во моментов има технологија што му овозможува да направи нуклеарно оружје во рок од една година, ако сака, пренесува британскиот весник
Исто така, се посочува дека Соединетите држави се обидуваат да преговараат за намалување на нуклеарните можности од 2010 година, „но никој од потенцијалните противници не ја намали улогата на нуклеарно оружје во својата стратегија за национална безбедност, ниту количината на нуклеарно оружје со кое располагаат ” Покрај тоа, се додава, „тие одлучно се движат во спротивна насока“.
Пентагон тврди дека поради тоа, во неколку делови на светот, се зголеми веројатноста за избувнување регионални конфликти со учество на противници кои поседуваат нуклеарно оружје, а исто така и шансите нуклеарната ескалација да се претвори во криза или конфликт се зголемија
Според „Дејли меил“, Русија и Кина претставуваат најсериозни закани за САД поради технологиите и арсеналите што ги поседуваат.
Во 2019 година, Русија и Соединетите држави се повлекоа од Договорот за елиминација на ракети со среден дострел и краток дострел, потпишан во 1987 година, со кој се бараше од САД и СССР да ги уништат сите нуклеарни и конвенционални балистички и крстаречки ракети со домет од 500 до 5.500 километри.
Сепак, Москва и Вашингтон го продолжија Договорот за стратешко офанзивно намалување (СТАРТ 3) оваа година и тој е единствениот договор за контрола на оружјето меѓу Москва и Вашингтон во сила. Договорот беше продолжен до 5 февруари 2026 година.
Извор: Спутник
