Цените на основните прехранбени производи ширум светот значително се зголемија во последните месеци и во просек чинат за една третина повеќе од минатата година, според податоците на Организацијата на ООН за земјоделство и храна (ФАО).

Најголем раст е забележан кај шеќерот, кој пораснал за цели 60 проценти, по што следеле житарките со скок на цената од 26 проценти. Додека еден тон пченица во мај 2020 година на размена на суровини во Франкфурт чинеше 185 евра, сега чини 251 евро.

Што се однесува до пченката, цената скокна за 60 проценти над просечната цена од 2020 година, а слична е состојбата и со сојата. Причината за драстичниот скок на цените на основните прехранбени производи се, покрај лошата реколта, и повисоките цени на суровата нафта и трошоците за транспорт, рече експертот за земјоделство Франц Синабел.

Тој посочува дека скокот на цените на суровините ќе се почувствува при секојдневниот пазарување, бидејќи производителите на бисквити, леб и чипс ќе ги зголемат цените поради скапите суровини, а може да се очекуваат и цени на месото, бидејќи пченката и сојата се суровини што се користат да се хранат животни.