ПАРИЗ – Светската потрошувачка на вино во 2020 година падна за три проценти во споредба со 2019 година, на најниско ниво од 2002 година, според извештајот објавен од Меѓународната организација за лозарство и енологија.
„Светската потрошувачка на вино во 2020 година се проценува на 234 милиони хектолитри, што е за три проценти помалку од 2019 година и е најниско ниво на потрошувачка од 2002 година“, се вели во извештајот.
Во исто време, светското производство на вино се зголеми за еден процент во споредба со 2019 година и достигна 260 милиони хектолитри.
Според експертите, падот на потрошувачката на вино беше под влијание на пандемијата „Ковид-19“, што ги принуди властите на разни земји да затворат барови и ресторани и да го ограничат влезот на туристи.
Потрошувачката паднала најмногу во Кина, со 17,4 проценти и во Јужна Африка, со 19,4 проценти.
Падот во областа на производство на вино во Кина, производството и потрошувачката веројатно ќе сигнализира пад на стапката на брз раст на пазарот на вино, што започна пред 20 години, проценува извештајот.
