Колку Кина и да не ги поддржува крипто-валутите, сепак воведува своја нова форма на виртуелни пари. Централната банка на Кина откри дека дигиталната валута на Кина по пет години работа и истражување е готова. Дигиталниот ренминби (RMB) или јуанот, виртуелна валута што ја администрира Народната банка на Кина, пристигна во целост во Шангај.
По извршените тестови во неколку други градови, сега е во употреба во една од градските болници, обезбедувајќи му на персоналот лесен начин да ги плаќа своите оброци во мензата. Ќе посочиме еден пример со еден доктор, чија дневна рутина е да купува појадок во кантината на болницата. Сега тој има нов начин да го плати својот оброк – картичка со дигитална валута. Тоа е исто како да користиме MetroCard.
Сосема практичен начин преку кој докторот би знаел колку потрошил и колку му останало во картичката. Тој само треба да дојде до терминалот за плаќање со картичката и таа го покажува преостанатиот биланс. Процесот на плаќање е едноставен, но голем технолошки чекор кон иднината. Валутата е дигитален RMB – не како другите дигитални валути, туку нова експеримент валута издадена и управувана од кинеската централна банка.
Развојот и примената на оваа валута ќе помогне да се задоволи побарувачката за правна валута во дигиталната економија, истовремено подобрувајќи ја практичноста и безбедноста на плаќањата на мало.
„Планираме да отвориме сметки за сите наши 2.000 вработени. Се надеваме дека валутата може да се појави во јавна употреба, за работи како што се плаќање за резервации за состаноци и регистрации“, рече претседателот на болницата.
Додека тестовите за тестирање на дигитални валути во Кина сè уште се со низок профил, тие добиваат големо внимание на глобално ниво. Многу економии ширум светот истражуваат дигитални валути, а особено во северна Европа. Тоа е веќе голем тренд. И за голема економија како Кина, со барање да се интернационализира нејзината валута, обидот е дефинитивно потребен и итен. Народната банка на Кина работи со повеќе од 20 комерцијални банки и компании за е-трговија за проширување на употребата на дигиталната валута што треба да покаже поширока имплементација на Зимските олимписки игри во Пекинг 2022 година.
Од она што е кажано, теоретски, преку новиот систем би можеле да се намалат трошоците околу циркулирањето на традиционалните банкноти, како и да се забрзаат дигиталните трансакции со дополнителна сигурност.
Имено, Централната банка на Кина регистрирала и патент за дигитален паричник што ќе им овозможи на корисниците да заменат јуани за крипто-валути. Ова би и овозможило на Централната банка на Кина поголема контрола и следење на дигиталните плаќања.
Бонус видео…
