ПРЕДИЗБОРНИ ПРОЕКТИ

Шилегов и францускиот епитет „Lè Charlatan“

Во животот, во кариерата на професионален план, а секако и во бизнисот сè се сведува на докажувањето. Преку докажувањето и факторот време се потврдуваат многу работи: искреноста, пријателството, доследноста, верноста, квалитетот, стандардот, личниот морал…

Извор: google

Во животот, во кариерата на професионален план, а секако и во бизнисот сè се сведува на докажувањето. Преку докажувањето и факторот време се потврдуваат многу работи: искреноста, пријателството, доследноста, верноста, квалитетот, стандардот, личниот морал…

Да го одмотаме клопчето на филмски начин, исто онака како што главните актери влагаат во „суперхеројска“ улога кога седнуваат во градоначалничка фотелја која ја добиле со празни „ќе“ ветувања, од денес па наназад:

На вчерашната презентација на Петре Шилегов, во хотелот „Double Tree“ во Скопје, на кој беше, по кој знаe кој пат, презентиран проектот „Бас рапид“, беше кажано дека централната жардиниера на Партизански одреди ќе биде отстранета, а на нејзиното место ќе биде поставена трасата за „Бас рапид транзитот“ (БРТ) проектот. Исто така беше кажано дека возилата ќе сообраќаат на секои три минути, односно дека во средината на Партизански одреди ќе бидат поставени затворени бус постојки по принципот на метро станиците во светот.

„Сите аспекти се земени во предвид кога експертите и консултантите работеа на решението. Во тендерската документација ќе се бара долж трасата на булеварот Партизански одреди да се постави т.н. ѕвоно со што ќе се дисперзираат вибрациите од возилата на страна односно на другите коловозни ленти. Ќе се предвидат посебни решенија и за четирите локации каде има воздушни вентили“, вели Шилегов. И на крај кажа од кај ќе ги обезбеди парите…..

Нормално дека целиот проект ќе биде покриен преку заем од 70 милиони евра кои се обезбедени преку заем од ЕБОР.
Не се ни сомневав дека заштедил (барем некој дел) од паркинг службите во градот кои само поскапуваат од ден за ден, бидејќи тие средства се резервирани за платите на вработените (т.е. партиски пиуни кои се докажани во лепење на плакати во изборни периоди), а никогаш за подобрување и финансирање на инфраструктурата во градот, зошто инаку би постоеле тие давачки.

Е сега следи главното прашање, а тоа е:
Како да му верувам на овој Lè Charlatan кој очигледно нема искуство, ниту работна култура во организација на надзор за едно обично градско шеталиште од 100 метри покрај речно корито, како што е шеталиштето покрај кејот кој беше предмет на реновирање и на претходниот градоначалник, а најавува поголем проект кој можеби нема да го реализира.

Но да видиме колку тој самиот се докажал кај народот.

Само пред неколку дена на порталите беа прикажани новите распукнати плочи на шеталиштето, кое сеуште не е пуштено за јавна употреба.
Преку овој пример, Шилегов докажа дека тој самиот, а и неговите силни советници се класични шарлатани кои немаат капацитет да објават конкурс, да изберат сериозен изведувач со историја на квалитетни проекти кои знаат како да направат анализи, кои времено треба да увидат дека на тоа шеталиште треба да се монтира материјал кој може да ги издржи службените возила на Телеком, и други возила за достава кои би се движеле по таа траса?

Затоа е нормално да се случуваат вакви дубиози од квази градежници, кои немаат НАДЗОР ВО РАБОТЕЊЕТО, додека трае реализацијата на проектот и тогаш јавноста со право може да тврди дека станува збор за ШАРЛАТАНСТВО.

Се надевам дека во иднина нема да слушам ретардирани објави од Град Скопје од типот: „Изведувачот по грешка ги избетонирал дрвјата на шеталиштето покрај кејот и ќе бидат казнети.“

Па затоа на шарлатанот Шилегов и екипата, кои не се докажале како квалитет кај народот во изминативе 4 години, би можел некако да им поверувам во добрата намера само ако тој потпише гаранција со сиот свој имот дека целиот тендер ќе биде јавно презентиран, со сите фактури од сите стадиуми на реализација, па се до завршетокот на проектот.

Извор: архива

П.С.
Се бунеше на ВМРО ДПМНЕ дека во периодот пред избори не смеат да најавуваат капитални проекти и тендери, а тој истото го прави само месец дена пред прогласување на локалните избори. Кој му гарантира дека ќе биде во истата фотеља? Народот?

Пишува: Јазовецот