БРАТИСЛАВА – Словачка објави нови ограничувања во средата за да го спречи новиот пораст на епидемијата на Ковид-19, со затворање на кафулињата, рестораните и продавниците за непрехранбени производи од четврток, додека училиштата ќе продолжат да одржуваат настава.
„Следува нова проценка за десет дена“, рече министерот за економија Ричард Сулик за новинарите бидејќи Словачка има една од највисоките стапки на инфекција со коронавирус во светот.
„Владата одобри рестрикции за следните две недели“, рече министерот.
Освен некои исклучителни случаи, жителите ќе можат да ги напуштат своите домови само за да купат основни намирници, работа, училиште или посета на лекар, рекоа властите. Ќе бидат дозволени и прошетки во природа.
„Училиштата ќе се затворат последни, сакаме да останат отворени“, прецизира Сулик.
Словачка во вторникот регистрираше повеќе од 10.000 нови инфекции со коронавирус за прв пат од почетокот на пандемијата, додека бројот на хоспитализирани достигна, според Министерството за здравство, „критична точка“.
